vapiano مطعم يستحق الزياره ..

[عاقلة المجانين]

مرحبا شخصيين وشخصيات ..

قسم انكم بايخين ..


لا جد تستهبلون ؟ وين التقارير معقوله ماتتعشون بمطاعم يعني ؟ ؟؟

المهم هالموضوع بصراحه ماكان عندي نية احطه هنا " ياشيني لاصرت صريحه ادري "
بس السبب .. لاني احس اني صرت كثيره بالمطاعم ..



<<<< وش هالمقدمه ..


بصراحه من زمان عن طلعات المطاعم .. بس قبل يوم عندي بنت خالي .. ونجلس انا وياها بس قهوة وشاهي وشبعنا .. وراحت ماتعشينا ..
عاد من ضمن السواليف قررنا نطلع نتعشى انا وهي وصديقاتي " على ان صديقاتي ماعندك احد ماهم جزومين كلهم بس فزعت لنا سوسو وسواقها لبى قلبها " ..

طبعا تخيلوا يالله وبالله جت روحته .. اول ماهو انا ابي اجربه من زمان .. بس ماجت فرصه اروح لمطعم وانا جوعانه ..


يالله قوه معنا وخلونا نعلق على الصور وبعض المواقف اللي صارت










طبعا سوسو المقروده موظفه بادارة احد البنوك .. ماتطلع الا خمس ونص تقريبا .. لذلك حكمت علينا ماناكل شي لانها ماراح تتغدى وتبينا نتغدى معها ..
وقالت سبع وانا عندكم ..وبما اني وبنت خالي متعلقين جدا ببريطانيا وكان املنا نطلع نكمل برى انا وياها .. فاحنا بريطانيين جدا بالوقت .. سبع الا ربع علينا عبينا ..
<<<< والله من الجوع الظاهر ههههههههههههههههههه ..

المهم جت سوسو سبع وربع وقالت انا عند الباب .. ومسكت استهبال بنت خالي قالت هونا .. حنا قايلين سبع وانتي تاخرتي ربع ساعه .. سوسو صدقت وخافت قلت يالله جينا وطلعنا ..

وصلنا المطعم مسكر .. طقينا الباب " وساعه وجيه بس عادي " ودخلونا ..



هذي جلسة برى للكوفي اعتقد .. لمجموعه ..




وهذي بعد بس سوري مو واضحه

طبعا هالوقت وقت صلاة العشا ..


واحلى شي انه دخلنا جوى مافيه الا طاولة فيها بنتين شكلهم ينتظرون احد .. والمكان جدا فاضي .. وبديت اصور ..



الدَرَج ..



هذاك البوفيه ..أو أقسام المطبخ اللي راح نختار منها .. عاد رحت اصور وهو فاضي :















وهذا قسم المشروبات .. كوفيات وعصيرات ومشروبات غازية ..




هذي أحد الطاولات الكبيره اللي يجلسون فيها مجموعه كبيره .. " الجو شي ثاني بهالوقت والاضاءة الحلوة "




هذي طاولتنا .. .. آخر وحده على اليسار اللي بيروح ويتذكرنا ..





هذي جلسات داخليه للكوفي اللي يبي كوفي عند مكان الشباب ..



هههههههههههههههههههههههههههههه ..
ماكتشفنا اننا بقسم الشباب " لان مافيه احد وحنا ندور " الا يوم جينا بالوسط نسمع صوت ناس يسولفون ونشوف الا اجانب هههههههه .. "





ههههههههههههههههههههه

هذي البطاقات صارت لها سالفه من قبل الطلعه بليله ..انا الي اعرفه ان فيه بطاقات للدفع بس ماعرف طريقتها ..
ومن سوالف البلاك بيري ماش مافهمت بنت خالي تقول البطاقه بـ 250 ريال ..واذا جيتي تطلعين يخصمون ! .. قلت وشلون ؟ يعني كلنا ندفع 250 ؟ قالت لا ماتدفعين بس يخصمون زي بطاقة الالعاب حقت الصغار !

المهم قلت مو مشكلة نروح ونشوف ..

لما جينا اكتشفنا ان كل شخص لازم يطلب بالبطاقة هذي .. وكل ماجيتوا تطلبون من قسم لازم تمررون البطاقة وانتم تطلبون عشان يحسبون عليكم ..واذا جيتوا تطلعون تدفعون حسابكم .. ..
انا جايه ابي اعرف سالفة ال 250 .. لاني حتى صديقتي اقولها تقول بنت خالي كذا وكذا .. ..
لما رحنا اكتشفنا انه اذا ضاعت البطاقة ..وانتي بالمطعم .. ماتطلعين الا انتي دافعه 250 حقها .. هههههههههههههههههههه

عاد صارت سالفتنا .. بعد ماطلبنا وخلصنا وين البطاقه .. لاتضيع البطاقه .. لايشيلونها ويضفونها وووالخ ..



هذي جلسة جنبنا .. لكن م بعد ماولعوا الانوار ..



شوفوا الفرق وربي بالانوار الخافته فررررررررررررق وأحلى



يالله خلوا نجلس .. تعبنا من الدورة نبي نحدد وش نختار :
" طبعا يوم نجلس لسى مافتحوا النور عشان كذا الصور ظلام "





المنيو :








" طلبنا كل السلطات اللي بالصور "



" بنت خالي طلبت الي بالوسط ارابيتا اسمها.. بايخه وعاديه " ادري انها بتقرا الموضوع " .. لا والله بس انا مافضل المكورنات او الباستات " الله يذكرك بالخير يابوليسيه "



" انا طلبت اللي بالوسط روبيان مع مكرونه وجبن بارميزان يجنن طعمه بصراحه " عاد بنت خالي ماتحب شي اسمه روبيان تقول من زين طلبك عاد ! .



منيو المشرروبات :





بغينا نطلب نبيذ .. .. بس جوعانيين .. قلنا نجي يوم ثاني نمخمخ على طعمه ..




عاد قمنا حنا وبطاقاتنا نطلب :






ياحليله هالفلبيني .. قلت معليش اخذ صورة ؟ وابتسم .. " جد الابتسامه تحبب بالواحد ولا شين مو من زينه "


عاد استحيت من الباقين .. قلت اصوركم كلكم ؟




مهابيل من جد





مرينا نطلب عصيرات ولقيناه مجهز هالشي .. شكله خطييييييير ..

[عاقلة المجانين]

عاد رجعنا لمكاننا واقل من خمس دقايق وجت طلباتنا :






سلطة سيزر الدجاج " طلب بنت خالي " طعمها يجنن



وهذا طبقها الرئيسي .. انا اشوف انه عادي .. بس هي ثاني مره تجي للمطعم وتطلبه .. .. عاد كل شوي تقول ذوقوا قلت يابنت الحلال موب زين هههههههه
قالت والله زين .. والتفت على صديقتي قلت خلي نتصدق عليها وناكله توهقت فيه شكلها ..



طلبي .. من جد السلطة حقتي طعمها شي موب صاحي اقرب ماله الفتوش .. بس كل انواع الخضار فيها حتى الكوسة ..



" طلبي الرئيسي .. شي مو طبيعي الصلصة اللي مسوي فيها الروبيان "



وهذا طلب صديقتي .. حلو طعمها بعد



برضه صديقتي طلبته ..






" عصيري المعتاد .. ليمون بالنعناع يجنن لابعد درجة "



البينوكولادا اتوقع حلو .. اما البنات مافيه امل ميتين من الجوع يقولون ماحنا موقفين لما تصورين




" أهداء لموضوع شليلة البلاكبيراويه هالصورة "





حتى وهو يضف يبتسم


وبس نزلنا تحت وكل وحده مدت بطاقتها ودفعنا ..

انا المفروض 98 بس اساساً لما رحت اطلب لي ولبنت خالي حست البطاقتين طلبت العصير من بطاقتها وطلبتلها من بطاقتي سبرايت ..

المهم لما جينا نحاسب كل وحده فينا اقل من 100 " يعني بالتسعينات "




إسم المطعم :


فابيانو


نوع المأكولات :

ايطاليه ..

الموقع :

بشارع التحليه ..

المكان : ( الجوده النظافه الترتيب الخدمه )
10 من 10 .. كل شي ممتاز خدمتهم سريعه ومكانهم نظيف ورايق " مع ان كراسيهم مو مريحه "

الأسعار :

مناسبه جدا وعاديه على مستوى الأكل والطعم .

حالة المطعم ( رومنسي او عائلي شبابي ) :
كلهم ممكن كذا وكذا وكذا ..

مناسبة زيارة الكاتب ..
تجربه ليس الا ..



أفضل الطلبات ..

كلها تجنن بصراحه مافيه شي موب حلو ..

أسوأ الطلبات ..

مافيه شي اقول موب زين .. وان كنت استهبل على بنت خالي ..

التقييم الشخصي من عشره ..

10 من 10

اقتراحات لزيارة مطاعم أخرى ..

نينو

[لووووول999]

كنك مخربتها هالمرة و مطلعة صوركم ماش بداية انفتاح شكله هههههههههههههههههههه

لي رجعة بعدين بس هذي إطلالة أولى

[عاقلة المجانين]

^
^
والله الشرهه موب عليك على اللي يتحمس وينزل موضوع .



تارك حوالي 47 صورة ومعلق على صورة وحده ؟؟ اهب يالرجال ..

على فكرة لوووول اذا ودك تشيك على مطعم سبازيو ترى مطلعه صورة وحده بعد ..

الاهم اني انا ماني طالعه " مستأذنه منهم على فكرة "


واذا على الانفتاح ....انفتاح حلو انا اشوفه


بانتظار عودتك لووووول ..

[بنت الدلال]

شي رهيب

ماشاء الله << باين جوعانه

هو صدق المطعم بالاضاءه الخافته احلى بالنور مره يع بس اهم شي الاكل

حركااات عاقله بالعافيه على قلوبكم وسلمي لي ع البلاكات

[هادي]

يعطيك العافيه المطعم ممتاز

بس ما ياصل عشره يعني ثمانيه ويخب

يمكن لاني ما احب الباستا مره وهم احسن شي عندهم

الكوفي شوب ما جربته لكن قد يكون في المستقبل القريب


يعطيك العافيه

[روعه]

والله شكل المطعم كويس يبيلنا نروح له أعجبني جو المطعم في الليل مع الأضاءه
ماشاء الله عليتس تذكرين تصورين وبمطعم ماشاء الله >>> للحين تعاني
طيب مارحتي لمطعم بوتيك برجر حلو مره..... ومطعم فيروز لايفووووووووووتكم روعه روعه روعه
يارب إذا رحت له هالأيام أذكر أصور (خشه تتحدا ) صراحه يجنن مع أغاني فيروز تعيشين جو ثاني

[عاقلة المجانين]

بنت الدلال :

اسكتي قسم لو تشوفيني انصدمت يوم ولعوا النور .. قلت لوي ماشفته وهو ظلام يمكن اهون ..

والبلاكات تسلم عليك ..

ميرسي ياقميل على الطلّة


هادي :

يعافيك ربي .. انا ماحب الباستا ابد الا اللزانيا والفويوتشيني ولاطلبنا لازانيا على انها عندهم ..
بس طلبي برضه ماكلته يعني ذقته ذواقه .. بس كلت الربيان كله الا حبه وحده عطيتها صديقتي ..

الشي الاكيد والغريب ان اخوي اليوم مايمدحه .. قلت والله انا اعجبتني سلطاتهم " ونادرا مالقى مطعم بالرياض يضبط السلطة بصراحه كطعم "

والكوفي شكله حلو واكيد لنا تجربه له مره ثانيه ..

يسلمك ربي على الطلّه هادي ..



روعه :
روعه مو اذكر تدرين مجهزة الكاميرة قبل ليله شاحنه البطاريه .. طبعا فيه صور استهبال لنا .." كذكرى نبغاها "
وعلى فكره اي مكان كامي معي حتى يوم رحنا حديقة الحيوانات على اني ماصورت كثير بس خذت كم صورة ..
وبالنسبة لفيروز ناوينه ان شاء الله بس نبغى الشلة كلها بحول الله ..
والبلورة برضه .. نويناها بس مادري متى يجتمعون .. اوف ياشين لاصاروا خوياتك معرسات وعندهم قوانيين تحكمهم ولا ماعرسوا بس ابوان يحكمون

يالله يارب تخليلي ابوي وامي بس وتطول باعمارهم وترزقني بواحد مثلهم يارب بتفتحهم

يسلمك ربي روعه على طلّتك

[عجيز الحارة]

هذي الانسانه قليلة ادب ياعويقله وش منططها ورازتن خشته ؟؟؟

عاد دوووووووووووووووبا مدري من زينها




<<<<<منقهرة خخخخخخخخخ



انا احب هذا الشيئ فقط عشان سلطاته والبار حقهم يونس فيه نبيذ وعيال عموه



وماعليتس من لووووووول المره الجايه اعزميني اروح معك واصور خشتي


عشان يعرف التفتح على اصوله خخخخخخخخخخخخخ



عوااااااااااااافي على قلوبكن

[عاقلة المجانين]

^
^
هههههههههههههههههههههههههههههههههههههههه


لا حرام عليك .. ترى مو دبا بس حامل الله يهون عليها .. بعدين لاتفوتك الوقفه تحسين انها تهاوش من هناك ..
اقولها بعدي بصور .. تقول ماني مبعده بس تعالوا يالله ..

اما سلطاتهم بجد بجد شي مو طبيعي .. ..
وبارهم ماش ماجربناه جايين جوعانيين بس اكيد يبيله رجعه بعد اخذ فره على مطاعم الرياض

ولي الشرف والله اعزمك باللي تبين .. بس اجزمي ههههههههه

يسلمك ربي على طلّتك عجيز الحارة

[عجيز الحارة]

حاااااااااااااااااااااااااااااااااااامل



وش موديها للمطاعم شنوووح ماتقضب ارضها ؟؟؟؟



وتراعي لبزرها ورجلها ؟؟؟



حرررررررريم اخر زمن يااهل الرياض





طيب هنجزي علي متى تعزمينن ؟؟




<<<<<فكوووووووووووووكه

[بوليسية]

عندي كلام كثير وتعليق

موضوع يبي له باستا اقصد بسطه

[بوليسية]

ههههههههههههههههههههههههههههههههههه

قسم انكم بايخين ..


لا جد تستهبلون ؟ وين التقارير معقوله ماتتعشون بمطاعم يعني ؟ ؟؟

الا بس من فاضي وهو رايح جوعان

وصلنا المطعم مسكر .. طقينا الباب " وساعه وجيه بس عادي " ودخلونا ..

حشى رايحين بيت مو مطعم

وهذي بعد بس سوري مو واضحه

مدري اشوف جلساتهم مو حلوة ولا تحمس ان الواحد يطقه مشوار

طبعا هالوقت وقت صلاة العشا ..

من عذرهم قافلينه بوجيهكم

هذاك البوفيه ..أو أقسام المطبخ اللي راح نختار منها .. عاد رحت اصور وهو فاضي :

لا تجيبين طاري البوفيه من مبطي ابي بوفيه على الفطور بس من فااضي لي

هذي أحد الطاولات الكبيره اللي يجلسون فيها مجموعه كبيره .. " الجو شي ثاني بهالوقت والاضاءة الحلوة "

صدززززززز خطيرة بقوة الطاولة مع الجو الرومنتك ولا يوم شغلوا الأنوار افقدوها شعور الرومنصية والروقان

بس يعيبها كراسيها ما احسها مريحه ابدددددن

لما رحنا اكتشفنا انه اذا ضاعت البطاقة ..وانتي بالمطعم .. ماتطلعين الا انتي دافعه 250 حقها .. هههههههههههههههههههه

اعنبوا صانعين بطايقهم من ذهب

حركة بايخة ذا ضاعت البطاقة تدفع 250 وشدعووووا

شوفوا الفرق وربي بالانوار الخافته فررررررررررررق وأحلى

ايه ايه تهيىء تهيىء

ياحليله هالفلبيني .. قلت معليش اخذ صورة ؟ وابتسم .. " جد الابتسامه تحبب بالواحد ولا شين مو من زينه "

ايه يا حبهم للشهرة

عاد استحيت من الباقين .. قلت اصوركم كلكم ؟

هههههههههههههههههههههههههههههههههههه حيلوي

vv

v

ههههههههههههههههههههههههههههههههههههههههههه




متحمسييييييييييييييييييين

مرينا نطلب عصيرات ولقيناه مجهز هالشي .. شكله خطييييييير ..

شكله اغراء بس ذالغازات تفوح منه فما ينشرب بالنسبة لي

مره جربت اشرب كادي الفوار حسيته ولللللللللع بحلقي لاني ما اشرب غازيات ابد ولا فوارات

سلطة سيزر الدجاج " طلب بنت خالي " طعمها يجنن

هذي شكلها خطيييييير

وهذا طبقها الرئيسي .. انا اشوف انه عادي .. بس هي ثاني مره تجي للمطعم وتطلبه .. .. عاد كل شوي تقول ذوقوا قلت يابنت الحلال موب زين هههههههه
قالت والله زين .. والتفت على صديقتي قلت خلي نتصدق عليها وناكله توهقت فيه شكلها ..

تبين الصدز شكل الطبق ما يأهل اني اطلبه لو اني مكانها ما جيت مره ثانية وطلبته

طلبي .. من جد السلطة حقتي طعمها شي موب صاحي اقرب ماله الفتوش .. بس كل انواع الخضار فيها حتى الكوسة ..

عاد انا انبسط على السلطات بالمطاعم

وهذي شكلها حلوة بس احس السيزر احلى منها انا ماني من هوات الفتوش مرررره

" طلبي الرئيسي .. شي مو طبيعي الصلصة اللي مسوي فيها الروبيان "

لا تكون حالية

مره اكلت ربيان مع صلصته طعمها على حلو لاعت تسبببببببببببدي ولا تذكريني رجاءا

وتكرم النعمه

وهذا طلب صديقتي .. حلو طعمها بعد

وش مكوناته ؟

" عصيري المعتاد .. ليمون بالنعناع يجنن لابعد درجة "

صدددددددق

صدددددددددددق



شكله ثقيل

حتى وهو يضف يبتسم

فرحان بعمره وواقف لك ينتظرك تصورينه

,

فيه العافية يارب ومطرح ما يسري يمري

ومشكورة على التقرير القليل ادب <<< تقصد الإنفتاح

[magic lady]

أهلين عاقلة
شكل المطعم حلو وبتعزميني فيه ان شاء الله
أعجبني شكل الطاولة بس الكراسي ماهي مناسبة



السلطات شكلها مغري واحس البيتزا طعمها لذيذ ليش ماطلبتوا بيتزا ؟
بالعافية على قلبك انتي والحامل والبنت الثالثة
تقرير حلو مثلك يعطيك العافية

[عاقلة المجانين]

عجيز :

ياحول .. ليه ؟ والحامل مالها رب يعني ؟ بالعكس طالعين فيها نوسع صدرها .. حمل وقلق ورجل مايقدر حملها وتعبها ..

خلاص بعيد ميلادي بالهجري اعزمك مع صديقاتي


بوليسية :

لا تجيبين طاري البوفيه من مبطي ابي بوفيه على الفطور بس من فااضي لي

خليك مثلي ماحتري احد .. وان مالقيتي احد يوديك روحي بتاكسي

ايه يا حبهم للشهرة

شوية ياحبهم لها .. يقول بتنزلينه بالفيس بوك ؟؟ قلت ايه ..

لا تكون حالية

تكرم النعمه لا مو حاليه انا مثلك ماحب الاكل الصيني لانه احيان يصير حالي

لا هذي فيها شوي فلفل اسود معطيها طعم حلو

وش مكوناته ؟

سلطة .. خس وخيار وطماطم ومادري وش الباقي

ومشكورة على التقرير القليل ادب <<< تقصد الإنفتاح

يسلموا .. ماشفتوا الانفتاح لايف اجل

ماجيك :

لا لا وش اعزمك بهذا ؟؟ مو من مستواك هذا ياشيخه .. ..
انتي بس تعالي ..

البيتزا طعمها لذيذ ليش ماطلبتوا بيتزا ؟

مره كنا رايحين روما .. " المطعم الله يرجكم مو المدينه "
المهم اخوي اقترح هالشي وكنا انا واخوي الثاني ميتين من الجوع . قلت بذمتكم بتودوني مطعم اكل بيتزا او باستا ؟ .. المهم دخلناه وقعدنا نقلب المنيو يوم شاف اخوي ان الوضع مو جايز لنا قال قوموا لبوفيه ست الشام ..
المغزى من القصة اقولك ميتين جوع وش نبي بالبيتزا ..

والحلوة عيونك ويدياتك اللي كتبت الرد وهذا وانتي ماشفتيني تقولين حلوة اجل لاشفتيني بتقولين ملاك

<<<<< برى عاقله

[بوليسية]

المغزى من القصة اقولك ميتين جوع وش نبي بالبيتزا

انا لمت جوع اخلي زوجي يطلعني مطعم ايطالي علشان اكل بيتزا واشبع

هذا غير عن الإدمان على البيتزا