][ .. أنت ..][ في عيــون البـــزر

[ياحبي لتس ياأنا]

.
.

كيف الحال ?!
ان شاء الله كل ابو شئ تمام ? !

تعالوا معي شوي نرجع لأيام طفولتكم ...

كم مره انجطلت بوسط الصاله و معك ألوان خشبيه و دفتر و قعدت ترسم و تلون ؟؟
و احيانا تمسك معك نذاله و ترسم على الجدار
و تصقعك امك على راسك لين تعاف الرسم واللي جابه

من هالمنطلق <<<<منطلق الإنجطال

كل عضو يروح يجيب مايلي :

1- كراسة او دفتر او ورقة المهم قرطاسه
2-أقلام
3-ألوان
4- و العنصر المهم و الفعال في هالموضوع بزر

لما تجيب العنصر الفعال
استخدم معه جميع انواع التميلح الموجود على الارض
تمطيخ و تسليك و إغراء مثلا تقوله ابي اشري لك عسكريم ولا اعطيك خمسه ولا تجره مع اذانه و تقعده غصب
و بعد ماتحس ان راس هالبرز لان و تحسه بدأ يتقبلك جب بقية المقادير (الكراسه- القلم - الالوان) و ضعهن امام البزرو خل البزر يرسمك

و بعدين تجيب لنا الرسمه هنــا عشان نضحك عليك و نشمت بك

لا تقولون : لا اخيه الرسمه مكبره خشمي و مصغره اذني و طالعتن لي حدبه بخدي و مدري ايش ندري انه تختلف عن صورتك الصدزيه مليون بالميه يعني لا تستحون ماهنا الا الخير ..

آلية اللعبه /

1- يبدأ التسجيل باللعبه اليوم ان شاء الله و أول عضو بعيون بزرانهم راح ينزل الثلاثاء بإذن الله
2-التجسل مفتوح إلى مالانهايه عشان اللي يجي متأخر يلحق علينا
3-اللعبه راح تكون كل سبت و ثلاثاء عشان يكون فيه وقت كل عضو ياخذ حقه من الشماته
4- راح ينزل موضوع بأسم العضو و هو ينزل الصور بهالموضوع

شروط اللعبه/

1- ممنوع منعا باتا مساعدة البزر بالرسمه
2- مافيه مشكله لو أكثر من بزر رسموك بالعكس يفضل هالشئ عشان نشوف أوجه الشبه و الإختلاف
3-ياليت ما تتأخر علينا بتنزيل الرسمات عشان تاخذ حقك من الردود
4- مافيه عمر محدد للبزر

و أي أستفسار لا يردكم الا الكيبورد و لا تنسى العسكريم اللي مواعد به البزر

.
.
.
.

[SHRek]

وعليكم السلام ورحمة الله


لا يكون هذا أنتي بس؟

ذكرتيني قبل فترة كانوا بزارينا يلعبون لعبة خقينا معها يالكبار << صرفناهم أنا وأخوي وقعدنا نلعبها
أرسم دائرة بالسبورة يمثل محيط الوجه وبعدها أسكر عيوني وأبدأ اكمل وأرسمني رسمة كاملة ..
عاد تعالي شوفي الشناعة بس الصراحة بكل الأحوال يكون أحلى مننا


الفكرة خطييييرة من جد
لكن المشكلة إني مستقعد لبزاريننا وقاعد أقنعهم عن رسم الأرواح
وشلون بجي ألحين أقولهم تعالوا إرسموني << شكلي بسوي نفسي ميت على أساس ما فيني روح

عموما حبيت أسجل إعجابي بالفكرة من ناحية مشاركة الأطفال معنا
يعطيك العافية "يا حبي لتس يا أنا "

[روعه]

وعليك السلام ورحمة الله وبركاته


أعجبتني اللعبه ياأنا ناويه أتشمت
خساره ليتني على أيام يوم أدرس الروضه أخليهم يرسموني,, بس المشكله بزارينا توهم مايعرفون الرسم
مع أنه ولد اختي والله بدأ يعرف بس أنهم بجده إلا أن كان أخليهم يرسلونه وسائط



يعطيك العافيه ياحبيلتس اللعبه خطيييييييييييييييره

[عاقلة المجانين]

خطيييييييييييييييييييييره ..

بس البلا باللي ماهو رايق لبزارين ! ..

تخيلي برتز قدامهم واقول ارسموني ؟

الا كان ادق دق عليهم ببيوتهم اقول ارسموني وش رايك ؟

ملاحظة : بزارينا حوال 15 بزر ههههههههه كلهم بيرسمون .. وش السواه من وين هدايا ؟



ابد بشارك ياحبيلتس .. بس يالله الويك اند الجاي لاتجمعوا ..

سجليني مشاركه بس مادري متى ...

ويسلموا فكره خطيره بقوه اعجبتني مدام فيها شماته







بحاول اجيب كتابي حق رسوم الاطفال " خطير بجد بيطلع تحلليلات بزارينكم لكم "

[جـgggري]

وانا سجليني بعد
بس مو قبل الويك اند

بحاول اجيب اكثر من رسمه ان شاء الله عشان يصير حماس

وانتي بعد لازم تخلين بزرانكم يرسمونتس وانا ابرسمتس معهم بعد ياحيي <<<< ظريفه

يسلمووو حوووووبي (ورده)

[ياحبي لتس ياأنا]

شريك

لا بسم الله علي من ام راس هذي
انا قريبا ان شاء الله
وناسه هاللعبه اول مره اسمع به شكلي بجربه


خخخخخخ حلوه سالفة ميت طيب سو نفسك دولاب <<<برا

الله يعافيك






روعه

عادي عيال عمتس عيال خالتس ماهي مشكله ترى التسجيل مفتوح انا ناويه احشرهم الخميس بإذن الله
ايه والله فكره خليهم يرسلونه وسائط

ترى اذا مافيه مشاركات يعني مافيه شماته <<<اخبر منتدانا يموتون بالشماته
الله يعافيتس ياقمر







عاقله المجانين

خخخخخخخخخخ بدون روقان لا ترتزين خليهم يرسمون على خيالهم عشان تصير الصوره مضبوطه <<<متأكده انه مضبوطه
ايوووه صح عليتس دقي عليهم عشان بعد يتفنون

ابشررري و الظاهر الاغلب بيصير بعد الخميس و الجمعه عشان التجمعات

حاليا انتي الاسبوع الجاي و اذا ماقدرتي اعطيني خبر قبله بفتره عشان نبلغ العضو اللي بيصير بعدتس
الله يسلمتس ياحلوه

بالله فيه شئ زي كذا تحليلات
وناااااسه تكفين بعد كل موضوع و بعد ماتشمتين نبي تحليلات






جوووري

أبشرررري بسجلتس من عيوني الاربع
أوكي يعني الاسبوع الجاي انتي و عاقله
هين انا ان شاء الله بشارك بس بحشر البزارين اول


الله يسلمتس ياقلب

[عجيز الحارة]

ياااااااااااااااااااااااو تزنن هاللعبه

بس اللي ماعندوه بزارين وش يعمل ؟؟؟



سجليني بس متى ماشفت لي بزر بحشره يرسمني


اهم شيئ اسجل معكم وعندي احساس اجيبها السبت الجاي

[magic lady]

أهلين ياحبي لتس ..
فكرة اللعبة حلـــــــــوة ..
بس بكون متابعة لفترة مؤقتة وبحاول أشارك ان شاء الله ..

يعطيك ألف عافية ياحبي لتس

[طائر المساء]

ياكثر ماارفع ضغط البزران واخليهم يرسمون
وماتختلف الرسمه كثير كلنا شخابيط
بس يقولون اذا جيتي للبزر وقلتي له ارسم اطول خط او شخوبطه يرسمها تكون لاكثر شخص يحبه

المهم الفكره مره حلوه بس حاليا ماعندي اطفال واقرب طفل ممكن اوصل له يرسم شخابيط ولكن اول مااوصل لطفل يرسم كويس راح اشارك ان شاء الله

[ياحبي لتس ياأنا]

عجيـــز الحاره

احشري بزارين عمامتس ولا خوالتس اي احد
أبشررري بسجلتس من عيوني




ماجيك ليدي

منتظرين مشاركتس ترى ماراح انساتس
الله يعافيتس ياعسل




طـــائر المساء

حلو يعني عندتس سوابق مع البزران

و حنا بإنتظارتس لا تسحبين علينا

[ياحبي لتس ياأنا]

المـــشاركين حتى الآن :

1- عــاقلة المجانين
2- جـوووري
3- عجيــز الحاره
4_ ياحبي لتس ياأنا


بإنتظار تأكيد مشاركة (روعه - ماجيك - طائر )
و مازال التسجيـــل مفتوح

[ياحبي لتس ياأنا]

للأسف اليوم مافيه مشاركين
راح تتأجل إلى يوم السبت و يكون الجدول على النحو التالي : (نحو ولا نصوص) <<<ياحيي لا تكرهوني

المـــشاركين حتى الآن :

1- جـوووري السبت 20 /3 /2010
2- عاقلة المجانيـن الثـلاثاء 23/3 /2010
3- عجيــز الحاره السبت 27 /3/2010
4_ ياحبي لتس ياأنا الثلاثاء 30/3/2010


بإنتظار تأكيد مشاركة (روعه - ماجيك - طائر )
و مازال التسجيـــل مفتوح

[بنت الدلال]

انا سجلونن
بنشب لهم باتسر هع هع
<< الله يرحم البزران مير

[ياحبي لتس ياأنا]

8
أبشررررري بسجلتس من عيوني

المـــشاركين حتى الآن :

1- عــاقلة المجانين
2- جـوووري
3- عجيــز الحاره
4- ياحبي لتس ياأنا
5- بنت الدلال


و مازال التسجيـــل مفتوح

[magic lady]

وأنا بعد سجليني قررت أغامر وأخلي بنت اختي ترسمني الله يستر

[عاقلة المجانين]

يصلح ننسحب

تحف موب رسمات

لا والمشكلة بنات وكل وحده تقول اصبري ساعه ترسم " ليناردوات ديفينشيات على غفله " .. وبالأخير لاتعليق

اصبروا باقي الأولاد ..
وباقي الصغار اللي خمسه وتحت


المشكلة ايش ؟

اني رحت للجمعه .. ماخذت لا اوراق ولا الوان .. يوم رحت هناك فزعت لي زوجة اخوي باوراق واقلام ملونه بس موب الوان وماقصرت قالت اجيب الوان خشبيه قلت لا مايحتاج ..

طيب ؟

يوم رسموا .. اكتشفت ان السكينر خربان ..

يعني بصور لكم من الكام


تعذيب .. انا وشوله اتحمس واقول بشارك

[ياحبي لتس ياأنا]

مـــاجيك ليدي
من عيوني بسجلتس

عـــاقلة المجانين
ههههههههههههههههههههههههههههههههههههه
هذا هو المطلوب انه تصير تحف ازين عشان نتشمت صح


المـــشاركين حتى الآن :

1- عــاقلة المجانين
2- جـوووري
3- عجيــز الحاره
4- ياحبي لتس ياأنا
5- بنت الدلال
6- مـاجيك ليدي



و مازال التسجيـــل مفتوح