× السعودية تشارك في[ ساعة الأرض] وتعيش في الظلام لمدة ساعة ×

[magic lady]

السعودية تشارك في [ساعة الأرض] وتعيش في الظلام لمدة ساعة/

الرياض : الألمانية
لأول مرة تشارك السعودية يوم السبت 27 مارس الجاري في"ساعة الأرض" التي يتم فيها قطع الكهرباء في عدد من المدن الرئيسة لمدة ساعة كاملة من الساعة الثامنة والنصف مساء وحتى التاسعة والنصف مساء .
وينتظر أن يتم إطفاء الأنوار عن أهم المعالم في المدن الرئيسية في الرياض وجدة والدمام إضافة إلى عدد من الإدارات الحكومية والقطاع الخاص،للمشاركة في "ساعة الأرض" التي تهدف لمشاركة الناس حول العالم في تقليص حجم انبعاثات الغازات الناجمة عن الاحتباس الحراري،وكوقفة ثابتة نحو سبل عيش أفضل على كوكب الأرض .
وتشارك السعودية لأول مرة في "ساعة الأرض"إلى جانب 92 دولة سيشهد فيها مساء 27 مارس المقبل انطفاء الأنوار عن ما يقارب 2500 مدينة ومحافظة في مختلف دول العالم .
وستطفأ الأنوار في يوم الأرض من السعودية إلى الخليج والشرق الأوسط وأستراليا إلى الولايات المتحدة الأمريكية وأوروبا إلى آسيا وإفريقيا وستعيش أهم المعالم حول العام مثل دار الأوبرا في سيدني وبرج تايبيه 101 وبرج خليفة في الإمارات والأهرامات في القاهرة وبرج إيفل في باريس وعين لندن وميدان بيكاديللي في لندن ومبنى امباير ستيت في نيويورك ولاس فيجاس في الظلام لمدة ساعة من أجل كوكب الأرض إضافة إلى مشاركة مبان شهيرة مثل رويال البرت هول،ومركز مانشستر يونايتد وستورمونت وانفيرنيس وويلز استاد الألفية وبرج الشراع وشركة كوكاكولا وإيكيا.
وبدأت "ساعة الأرض" قبل عامين بمبادرة أسترالية هدفت إلى لفت نظر الأفراد إضافة إلى المنظمات والمؤسسات والجهات الحكومية إلى مقدار السهولة التي يسعهم أن يسهموا بها في تخفيف الضغط على موارد كوكب الأرض وفي تقليل التأثير الذي تحدثه الحضارة الصناعية على المناخ.

تخيلوا .. ساعة كاملة في الظلام

[هادي]

ماهيب مشكلة

حتى لو يطفونها يوم ويبلغونا قبلها

بس السؤال هل تشارك السعودية في تعويض المتضررين من ا نقطاع الكهرباء الغير مجدول ؟ ولا بس تشارك في قطع الكهرباء

[SHRek]

تخيلوا .. ساعة كاملة في الظلام

يعني وش الجديد
يا كثر ما عشنا ساعات الأرض بدون ما يشاركنا أحد

[عاقلة المجانين]

ماجيك ..

وش تخيلوا ساعه ظلام ؟

قالوا اهم المعالم .. بالرياض وجده والدمام ..


السؤال الفعلي وش اهم المعالم بالله الي بيطفون انوارها ؟؟

لاتقولون لي المملكة والفيصلية وبرج التلفزيون وبرج المياه ؟ وبرج الاميره العنود بما انه ملون ويصرف كهرب


من جد وش بيطفون يعني ؟



وفيه سؤال ثاني

<<<< مستلجه اليوم ..


علماء الدين .. وش رايهم بهالمسألة ؟ ..
وهل من الممكن لو ماسدوا هالباب انها تطلع وقفات ثانيه مثلا ؟ ..

[تركي]

^
^
أنا أقول أهم شي الهيئة لايتدخلون بالموضوع


وناسة ..املوا بيوتكم شمعات

[هادي]

^^
ياشين اللي للحين عايشين اجواء رومانسيه

<< طيب انت وش قاهرك

[magic lady]

8
8
سبقتني كنت بعلق على الرومانسية
وبعدين من جدك تفكر بتعويض المتضررين ؟ فيه متضررين من أمور كثيرة محد يدري عنهم ولااحد يسمعهم

//

شريك /
الميزة هنا المشاركة هههههههههههههه
وبرأيي ان الكهرب ينقطع فجأة أفضل من انهم يبلغونا ونشيل هم
لأني تخيلت أطلع سطح بيتنا وماأشوف حتى الإنارة اللي بالشوارع البعيدة

//

عاقلة /
أنا سمعت ان كل المدن المهمة مو بس المعالم ..والا ليش يعطونا خبر
وبخصوص سؤالك نصيحتي لك تنامين الظهر عشان مايخطر على بالك أي سؤال غريب


//

تركي /
محد بينبسط غيرك يالرومانسي ههههههههههههههههههه

[عاقلة المجانين]

^
^
لا الله لايقوله وش نومه ياشيخه .. صرت الهي عمري العصر عشان مانام تعرفين نومي عاد انتي ..
اليوم العصر بس كذا رايحه للسوق .. وصرفت حوالي 1000 ريال تخيلي .. نصها من فيسيز ..
والأغرب اني شريت حلق اكسسوار ب 200 .. وواقي شمسي ب 100 .. ..وعلبتين للمكياج لي ولصديقتي بـ 50 ..
ولاطلعت بشي فعلا اقول مفيد الا ببلوزة للدوام .. ب 200 ..

<<<< لما رجعت تحسفت


عموما انتي ملاحظة كل من اعرس صار رومانسي بقوة ؟
تتوقعين هالشي يصير مع البنات برضه ولا مع العيال بس ؟

اجل نعيش على شموع هههههههههههه ..
وين راحت الكشافات ؟ واللمبات الي تشتغل بدون كهرب ؟
يختي ماخبر ببيتنا فيه شموع .. الا شموع زينه بغرفتي .. لا وبعد مو انا اللي شاريتها

[تركي]

هادي وماجيك..

قسم بالله إني أقصد الشمعات الطويله القديمة هذيك ..
ما أقصد الشمعات الرومانسيه. لأن الشمعات الرومانسيه يبيلها انت اللي تطفي الكهرب مهو شركة الكهرب خخخخخخخخخخخخخخخخخخخخخخخ

[عاقلة المجانين]

بالله وش صار على الموضوع ؟؟


المهم انه الي عرفته انه ماطفوا شي صحيح ؟؟

<<<< قال بتشارك المملكة قال ..

[بنت الدلال]

خلهم يقضبون ارضهم بس

قال ساعه ارض

خن نتطوروا همن يفكرون يحتكون بساعه ارض لان السعوديه كلها ساعه ارض

[رحيل]

^
ايه والله وانتي صادقه ساعه ارض ع مدار السنه

ع الاقل مختارين الموعد بالليل مو بعز القايله مثل مالشركه السعوديه تفاجئنا بساعاتها الارضيه المتكرره وخصوصا بالصيف

بس يالله نشاركهم السنه الجايه يكون وقتها عندنا شي يستاهل يتطفى

[طائر المساء]

انا شاركتهم وقفلت كل لمبات البيت<< فرحانه بعنف
والله خفت بس خليت التيفي شغال وجلست قدامه